Ang 2025 flood control budget na P350 billion ay naantala dahil sa nagpapatuloy na imbestigasyon… P225-B flood control funds, mapupunta sa edukasyon, pangkalusugan- PBBM

SINABI ni Pangulong Ferdinand Marcos Jr., na ang pondo na orihinal na inilaan para sa locally funded flood control projects sa panukalang 2026 budget ay dadalhin sa ‘edukasyon, pangkalusugan, iba pang agarang pangangailangan.

“‘Yung locally funded kung tawagin na project that amounts to about 225 billion, we will reappropriate it to education, to health, and other departments that are in need of this funding,” ang sinabi ni Pangulong Marcos.

Ang paliwanag ng Pangulo, ang 2025 flood control budget na P350 billion ay naantala dahil sa nagpapatuloy na imbestigasyon, dahilan para ang 2026 allocation ay ‘ unnecessary.’ Ang Foreign-assisted flood projects na nagkakahalaga ng P50 billion ay magpapatuloy.

Tinuran ng Pangulo na ang realignment ay naglalayon na i- maximize ang paggamit ng savings at agad na tugunan ang panlipunang pangangailangan.

Nauna rito, iniulat ng Department of Budget and Management (DBM) na ipinalabas nito ang halos lahat ng appropriated budget para ngayong taon, na may P285.3 billion ang natitira na gagastusin sa mga ahensiya ng gobyerno. (Daris Jose)