Amir Khan ibinunyag nais ni coach Freddie Roach na pagharapin sila ni Pacquiao
- Published on July 2, 2022
- by @peoplesbalita
IBINUNYAGÂ ni dating boxing champion Amir Khan na tinawagan siya ni boxing coach Freddie Roach para magkaroon sila ng laban ni Manny Pacquiao.
Sinabi nito na isa sa mga kaibigan niya ang tinawagan ni Roach kung saan plano nitong magkaroon ng laban si Khan sa Filipino boxing champion.
Kapwa kasi nagsanay sina Pacquiao at Khan kay Roach kung saan naging sparring partner sila.
Huling lumaban si Pacquiao noong Agosto 2021 ng talunin siya ni Yordenis Ugas sa WBA welterweight title.
Habang ang British boxer na si Khan ay umalis sa boxing ng talunin siya ni Kell Brook noong Pebrero.