Ambisyon na makakuha ng pangunahing posisyon sa Kamara ang mga Duterte, pantasya reaksyon ng mambabatas 

“FANTASY ‘yan sila.”

Ito ang reaksyon ni Kabataan Partylist Represenative-Elect Atty. Renee Co sa ambisyon na makakuha ng pangunahing posisyon sa Kamara ang mga Duterte.

Ayon sa mambabatas na-threatened umano ang mga Duterte na mawalan ng kapit sa poder kung tuluyang matanggal sa puwesto si Vice President Sara at ma-convict naman si dating Pangulong Digong.

Kaya biglang pupuwesto si Pulong. Huwag silang magpanggap na oposisyon. Kailangan na talaga magpasa ng Anti-Political Dynasty Bill para hindi na nilalaro ng mga pami-pamilya ang mga posisyon sa gobyerno. Hindi dapat chessboard ng mga pamilyang Marcos at Duterte ang Kongreso,” ani Co.

Ang pahayag ay ginawa ng Kongresista kasunod nang paghikayat ni VP Sara sa kapatid na si Davao City Rep. Paolo ‘Pulong’ Duterte na kumandidato bilang House Speaker o Minority Leader.

(Vina de Guzman)