Alert Level 4 makakatulong sa pagpapababa ng mga naitatalang bagong COVID-19 infections

KUMBINSIDO ang OCTA Research group na makakatulong sa posibleng pagpapababa ng mga naitatalang bagong kaso ng COVID-19 ang paglalagay sa buong bansa sa ilalim ng mas mahigpit na Alert Level 4.

Ayon kay OCTA fellow Dr. Guido David, kalakip kasi ng deklarasyon na ito ay ang pagpapababa sa pinapayagang capacity ng mga establisimyento.

Gayunman, aminado si David na hindi pa malinaw sa kanila kung gaano kalaki ang maitutulong sakali mang ituloy ng national government ang paglalagay sa buong bansa sa ilalim ng Alert Level 4.

Samantala, nakikita naman ng OCTA na malapit nang mag-peak ang COVID-19 surge sa Metro Manila, na mayroon nang positivity rate na higit 50%.

Kung maabot na ang peak, sinabi ni David na saka pa lamang makakakita ng downwards trend, na posibleng mangyari sa susunod na linggo, depende pa rin sa magiging sitwasyon sa mga susunod na arwa. ( Daris Jose)