AKUSADO SA PAGPATAY SA ISANG PULIS, ARESTADO
- Published on May 29, 2025
- by @peoplesbalita
ARESTADO sa bisa ng arrest warrant ang ikatlo sa ap akusado sa pagpatay sa isang pulis noong June 19,2015
Sa rekord ng Manila Police District (MPD), sampung taon nagtago sa batas ang akusado sa aksong pagpatay kay Police Officer 3 Ronald Leonardo .
Si Leonardo ay dating naka-assign bilang operatiba ng follow-up section ng MPD na dating Anti-Crime Unit.
Sa impormasyon, tinatrabaho umano ng operatiba ang grupo ng mga akusado na sangkot sa mga serye noon ng holdapan bukod pa sa pagkakasangkot sa illegal na droga, at nakawan.
Gayunman, natunugan ito ng mga akusado kaya inabangan si Leonardo habang pauwi na sa kanilang bahay.
Siya ay nagtamo ng tama ng bala sa dibdib.
Ayon sa MPD, una nang naaresto noong 2017 ang dalawa s apat na akusado kabilang ang isa na itinurong gunman.
Itinanggi naman ng naarestong akusado ang krimen ngunit itinuro ang master mind na si alyas Michael Flores. (Gene Adsuara)