ALOK NA NURSES FOR VACCINE SWAP, HINDI NAKUNSULTA ANG DOH

HINDI  umano nakunsulta ang Department of Health (DOH) kaugnay sa alok ng Department of Labor and Employment (DOLE)  na  nurses-for-vaccine swap sa Germany at UK.

Ayon kay Health Usec Maria Rosario Vergeire, wala rin silang impormasyon tungkol sa nasabing usapin .

“Sa tingin ko ay magkakaroon ng pag-uusap diyan at dapat idulog sa IATF kung sakalaing may ganitong proposal o plano na kailangang gawin because of vaccines”, ayon pa kay Vergeire sa  virtual forum.

Dsagdag pa nito, nasa IATF din aniya ang desisyon hinggil dito.

Sa nasabing proposal ng DOLE,sinabi naman umano ng UK health ministry na walang plano ang UK  na  sumang-ayon  sa vaccine deal  sa PIlipinas kung saan mas marami pang nurses ang irerecruit at ipapadala kapalit ng bakuna. (GENE ADSUARA)