Solon sa commercials, manufacturing firms: Kolektahin at i-recycle ang plastic

UPANG mabawasan ang plastic pollution sa bansa, isinusulong ng isang mambabatas na gawing mandato para sa mga commercial establishments at manufacturing firms na siyang mag-recover, kolektahin, i-recycle at i-dispose ang plastic waste at non-biodegradable materials.

Kapag naisabatasm ire-require ng House Bill 6180 na inihain ni Baguio City Rep. Mark Go ang mga commercial establishments tulad ng supermarkets, office buildings, malls, food chains at retail buildings na kolektahin at i-recover ang mga gamit na plastic mula sa kanilang customers, bago ibalik sa manufacturer oara sa maayos na disposal o recycling.

Nais ng mambabatas na mapanagot ang mga manufacturing companies at commercial establishments na gumagamit ng plastics at non-biodegradable materials sa pamamagitan ng pagsama sa kanilang corporate social responsibility ang collection and recovery ng used plastic.

Binanggit nito ang 10-year National Solid Waste Management Status Report mula sa Department of Environment and Natural Resources kung saan 38% ng solid waste ng bansa ay plastic na patuloy na tumaas pa.

Hinalimbawa nito ang “sachet phenomenon” sa bansa na dumagdag sa pagtaas ng bilang ng mga non-biodegradable na plastic na siyang bumabara sa mga kanal, waterways at kalat sa kalsada. (Ara Romero)