AIR POLLUTION

MISTULANG COVID-19 ang air pollution sa bansa sapagkat 27,000 katao ang pinapatay bawat taon, sa pag-aaral ng Greenpeace Southeast Asia at ng Center for Research on Energy and Clean Air, ang usok mula sa mga sasakyan gamit ang gasolina at krudo at maging ang mga sinusunog na coal ay nagiging sanhi ng kamatayan ng mga Pilipino.

Ayon pa sa report, number 3 ang Pilipinas sa mga bansa sa Asia na marami ang namamatay sa air pollution kung saan Nangunguna ang China at ikalawa ang Mongolia.

Karaniwang pinagmumulan ng hangin na may lason ang ibinubugang usok ng mga sasakyan partikular na ang mga dyipni na karaniwang yumayaot sa mga kalsada. Tinatayang 80 porsiyento na pinanggagalingan ng air pollution ay mula sa mga hindi namimintinang sasakyan, pinakamalala ang air pollution sa Metro Manila.

Ayon sa Department of Health (DOH), ang maruming hangin ay nagdudulot ng noncommunicable diseases (NCDs) kung saan kabilang sa mga sakit na nakukuha dahil sa pagkalanghap nang maruming hangin ay allergies, acute respiratory infections, chronic obs-tructive pulmonary diseases, cancer at cardiovascular diseases.

Unang tinatamaaan ng sakit ang mga pasahero at pedestrians dahil sila ang nakalantad sa maruming hangin, araw-araw nilang nalalanghap ang maruming hangin na dulot ng mga sasakyan.

Tungkulin ng Department of Environment and Natural Resources (DENR) na mapangalagaan at mapadalisay ang hangin. Sila ang nararapat magpatupad at gumawa ng hakbang para mapigilan ang mga nagpaparumi sa hangin sa Metro Manila.