Pagbabalik ng pondo para sa NCR Busway Project, apela ni Akbayan Party-list Rep. Perci Cendaña

UMAPELA si Akbayan Party-list Rep. Perci Cendaña sa pagbabalik ng pondo para sa NCR Busway Project (kabilang ang EDSA Busway), Service Contracting Program, at Fuel Subsidy Program makaraang walang pondong nakalaan para sa nasabing tatlong programa sa panukalang 2027 budget ng Department of Transportation’s (DOTr).

Sa ginanap na deliberasyon ng House Committee on Appropriations sa budget ng DOTr, sinabi ni Transportation Secretary Giovanni Lopez na ang rason ng Department of Budget and Management

Kung bakit hindi naisama sa panukalang badyet ang mga programa at hindi matustusan ay dahil sa walang mapagkuhanan ng pondo para dito.

Sinabi ni Cendaña na “the national budget is the ultimate expression of the President’s priorities and commitments. Kapag malaki ang budget sa isang programa, mataas ang priority. Kapag walang budget, hindi ka priority. Pinapakita lang nitong zero budget na hindi priority ang milyon-milyong commuters at ang libu-libong tsuper at transport workers.”

Nagbabala pa ito na ang pag-alis ng pondo sa mga programa ay magpapalala sa araw-araw na commute ng milyong Pilipino habang tumataas ang financial burden sa public transport workers.

“Nakakainis isipin na ’yung mga programang nagdadala ng kahit kaunting ginhawa sa ating mga kababayan pa ang pinagdiskitahan at tinanggalan ng pondo. The NCR/EDSA Busway has provided millions of commuters with a faster and more reliable way to get to work, school, and home. Service contracting has helped keep public transport running while supporting drivers and operators especially during times of crises. Fuel subsidies, meanwhile, provide much-needed relief to drivers struggling with fuel price shocks caused by the war in the Middle East,” ani Cendaña.

Tinuligsa din nito ang administrasyong Marcos sa paggamit ng salitang “limited fiscal space” para bigyang hustisya ang pag-alis sa mga programa.

“Nakakalungkot naman na kapag usapin ng pagtitipid, ’yung kapakanan ng ating commuters at public transport workers ang tinitipid. These are not luxuries. These are essential public transport programs that directly affect the daily lives and livelihoods of millions of Filipinos.”

May pagkakataon pa aniya ang Kamara na maibalik ang pondo sa panahon ng budget deliberations at masiguro na maging prayoridad ang public transportation sa 2027 National Budget.

“I hope our colleagues in the House will join us in pushing to restore the requested budgets of these programs. The millions of EDSA commuters deserve a respite from the punishing experience of the commute, while our drivers deserve support as they struggle with rising fuel and operating costs,”

pahayag nito. (VINA de GUZMAN)