Mayor Jeannie, ibinida ang tagumpay sa pamamahala, pag-unlad, at opportunities para sa Malabueños

IBINIDA ni Malabon City Mayor Jeannie Sandoval ang mga nakamit na tagumpay sa pamamahala, pag-unlad, at opportunities para sa bawat Malabueños ng kanyang administrasyon sa buong taon sa kanyang ika-apat na State of the City Address (SOCA) na ginanap sa Malabon City Sports Complex, Miyerkules ng umaga.

Sa temang “Mas Bughaw at Matatag na Malabon: Pinalawak na Oportunidad, Pinabilis na Pag-unlad”, inisa-isa ng alkalde kung papaano naipagpatuloy ng kanyang administrasyon ang Lucky 9-Point Agenda upang maitaguyod ang pag-unlad ng ekonomiya, mapagbuti ang serbisyo publiko, mapalakas ang katatagan, at mapalawak ang oportunidad sa bawat Malabueno.

Inilahad ng alkalde ang pagsigla ng negosyo sa ilalim ng kanyang Agenda 1, ang paglakas ng ekonomiya na bahagi ng Agenda 2 at mas maraming oportunidad sa ilalim ng Agenda 3, kabilang ang pagpapalawak ng maraming trabaho at suporta sa edukasyon.

Ibinida rin ni Mayor Jeannie ang pagiging global ng Malabon sa ilalim ng Agenda 4, ang rklamasyon pasa sa mas malaking lungsod sa Agenda 5 at suporta sa mga nag-aalaga ng hayop na kanyang Agenda-6.

Patuloy din aniya ang modernisasyon sa pagkakaloob ng serbisyo sa publiko sa ilalim ng Agenda 7 kung saan tinagurian ng SMART City ang Malabon, ang libreng serbisyo ng Ospital ng Malabon na kanyang Agenda-7 at ang suporta para sa mga breadwinners sa Agenda-9 sa pamamagitan ng Malabon Ahon Blue Card (MABC) kung saan iniutos na niya ang paglalabas sa ikatlong tranche.

“Sa ika-apat na taon ng ating panunungkulan, malinaw na ang ating direksiyon. Ang pundasyong ating inilatag ay matibay, ng mga programang ating sinimulan ay nagbubunga na, at ang mga proyektong ating isinusulong ngayon ay magbubukas ng mas maramiing pagkakataon para sa mga susunod pang taon,” pahayag ni Mayor Jeannie.

“Hindi tayo nagsisimula muli. Patuloy nating pinagtitibay ang mga nagawa, pinalalawakang mga programang napatunayang epektibo, at itinataas ang pamantayan ng ating paglilingkod upang mas marami pang Malabueño ang makinabang,” dagdag niya. (Richard Mesa)