Nag-tie sina Will at Rico sa Best Supporting Actor… JERICHO at MARIS, tinanghal na Best Actor at Best Actress sa star-studded na ‘The 9th EDDYS’ (ni: ROHN ROMULO) 

NAGNINGNING ang Ceremonial Hall ng Marriott Grand Ballroom sa Newport World Resorts noong Linggo dahil mabituin ang ika-9 na edisyon ng Entertainment Editors’ Choice. 

Mas kilala ito bilang The Eddys, na nagsimula ng local film awards season, na muling nagbigay-parangal sa mga pelikula at artistang nagpakita ng husay sa pagbuo ng pelikulang Pilipino sa nakalipas na taon.

Inorganisa ito ng Society of Philippine Entertainment Editors (SPEEd), kinilala ng The Eddys ang mga natatanging tagumpay sa paggawa ng pelikulang Pilipino sa 14 na kategoryang naglaban-laban.

Pitong natatangi at mahuhusay na pelikula ang nagtagisan para sa Best Picture at ang nag-uwi ng tropeo ay “Quezon” at nagwagi naman ng Best Director si Jerrold Tarog para sa “Quezon”.

Nagsilbing hosts sina Concert Queen Pops Fernandez at television host and broadcaster Kim Atienza, ang star-studded ceremony ay ididirek ni Calvin Neria.

Nagbukas ang gabi sa isang espesyal na production number mula kina Fred Moser at Kanata ng Pinoy Big Brother, kasama ang young cast ng advocacy drama na “I’mPerfect”.

Pukpukan ang naging labanan major acting awards. Nasungkit ni Jericho Rosales ang Best Actor para sa “Quezon”at wagi naman ng Best Actress si Maris Racal para sa “Sunshine”.

Sa supporting category, nag-tie sina Will Ashley (“Bar Boys: After School”) at Rico Blanco (“Manila’s Finest”) sa Best Supporting Actor. Si Rochelle Pangilinan naman ang tinanghal na Best Supporting Actress para sa “Child No. 2”.

Narito ang kumpletong listahan ng mga pinarangalan sa matagumpay na ika-9 edisyon ng The EDDYS:

BEST PICTURE: Quezon

BEST DIRECTOR: Jerrold Tarog (Quezon)

BEST ACTRESS: Maris Racal (Sunshine)

BEST ACTOR: Jericho Rosales (Quezon)

BEST SUPPORTING ACTOR: Rico Blanco (Manila’s Finest) & Will Ashley (Bar Boys: After School)

BEST SUPPORTING ACTRESS: Rochelle Pangilinan (Child No. 82)

BEST SCREENPLAY: Jerrold Tarog and Rody Vera (Quezon)

BEST PRODUCTION DESIGN: Monica Sebial (Quezon)

BEST CINEMATOGRAPHY: Moises M.M. Zee (Salvageland)

BEST EDITING: Benjamin Gonzales Tolentino (Sunshine)

BEST SOUND: Roy Santos and Neil Diokno (Manila’s Finest)

BEST VISUAL EFFECTS: Bien Michael Caralian, Vincent Cheng, Jimmy dela Cruz and Santelmo Studio (Shake, Rattle & Roll: Evil Origins)

BEST MUSICAL SCORE: Frederik Sandoval and Emerzon Texon (Manila’s Finest)

BEST THEME SONG: “Sandalan” (Manila’s Finest)

Ipinakita ng AKTOR PH chairman at founding president na si Dingdong Dantes ang mga patuloy na inisyatiba na binuo sa pakikipagtulungan sa SPEEd at Unilab.

Isang espesyal na pagtatanghal din ang inihatid ng up-and-coming young singer-songwriter na si Isha Ponti, habang ang Inspirational Diva na si Jamie Rivera ay naghatid ng emosyonal na song number para sa posthumous tribute segment, isang matinding bahagi ng programa na inaasahang magdadala ng panandaliang katahimikan sa gabi.

Nagsasara ang The 9th Eddys sa pagtatanghal ni Andrea Gutierrez at ng singer-songwriter na si David Young.

Inorganisa ng SPEEd, ang The Eddys ay nananatiling isa sa mga pinaka-respetadong award-giving bodies sa bansa na nakatuon sa pagkilala sa kahusayan sa paggawa ng pelikulang Pilipino.

Ang 9th Entertainment Editors’ Choice ay nabuo sa kolaborasyon ng SPEEd, Newport World Resorts, PlayTime Entertainment, at Echo Jham Productions, kasama ang Gold Sponsors Globe Telecom at Unilab Inc.; Silver Sponsors SoundCheck Inc. at Puregold CinePanalo Film Festival; at Major Sponsors Luxent Hotel, Luxxe White, Beautéderm Corporation, Isha Ponti, at PlayaLolita Beach Resort Hotel and Restaurant, A-List & Partners, Bait Lehem, Carmelo’s/Sweet Bella, Universal Robina Corp., Oatside at si Bambbi Fuentes.