Maraming aral ang mapupulot sa advocacy movie:ANDREA, may payo sa mga magulang na may anak na papasok sa fraternity (ni: NONIE NICASIO)

ANG veteran actress na si Andrea del Rosario ang isa sa cast ng advocacy movie na “Neophyte 26” na pinagbibidahan nina Derrick Monasterio at Angelica Jones.

Gumaganap dito ang aktres bilang mother ng isang estudyante na nasangkot sa marahas na hazing.  

Ang pelikula ay nagpapakita ng masama at mabuting epekto ng fraternity sa mga estudyante.

Ang “Neophyte 26” ay magbubunyag ng katotohanan sa likod ng fraternity, sakripisyo, pagmamahal, at katapangan.

Hatid ng Empowerment Productions and Spring Ferry Productions, ang pelikula ay brainchild ni Laguna Board member Angelica Jones.

Sa aming panayam kay Ms. Andrea, nabanggit niyang noong nag-aaral siya ng college ay mas talamak ang fraternity, lalo na ang mga nangyayaring hazing.

Anong aral ang mapupulot sa kanilang movie?

Esplika ng aktres, “Lesson for me as a parent sa movie na ito, is to get more involved with your child’s life…. Communication is important to help them process their emotions.” 

Ano ang maipapayo niya sa mga tulad niyang parent na may anak na papasok sa fraternity?

“Being in a family that values sports so much, I rather that my child join any kind of sports which would help them develop their character, their body, resilience and their confidence.

“What I know is there are good fraternities and bad ones…. But still, for me I prefer sports than this,” seryosong pahayag pa ng aktres. 

Ang pelikula ay mula sa pamamahala ni Direk Rommel Penesa and written by Charlotte Dianco. 

Kasama rin dito sina Elle Villanueva, Jon Lucas, Neil Ryan Sese, Ronald Adamat, Lance Raymundo, Mike Lloren, Mosang, Maxine Trinidad, Chris Leonardo, at introducing dito si Angelo Jones.