Rogelio ” Ricky” Madali , ang amang mapagmahal at matulungin ng Barangay 35, District 2 ng Caloocan!

  MABABAKAS sa kanyang maamong anyo ang kabutihan ng kanyang kalooban at pagka-matulungin sa kanyang kapwa. Siya si dating kapitan Rogelio ” Ricky” Madali ng Brgy. 35 , Zone-3, Dist. 2 Caloocan City! Matagal ding nanungkulan ang butihing kapitang Rogelio sa kanilang pamayanan ng may 13 years in Service as Public Servant. Nagsimula siya bilang Kagawad hanggang siya’y naupo bilang butihing “AMA” ng Brgy. 35. Sa loob ng mga nagdaang taon marami siyang nagawa sa kanilang komunidad tulad ng pananatili sa kaayusan ng Brgy. Hall,

paglilinis sa mga estero at paglalagay ng mga CCTV para maiwasan ang anumang masamang kaganapan.  

Pinabakuran din ng butihing Kap. Ricky ang ilog para ‘ di na tapunan ng mga basura at maiwasan ang pagbaha. Nagkaroon din sila ng firetrucks at mga ambulansiya para sa anumang sakuna at meron din fire extinguisher para sa emergency.

Libre rin ang pagkuha sa kanila ng Indigency Clearance at Brgy. Clearance. Pagdating naman sa mga gamot laging nakalaan para sa mga Senior Citizens mga magulang at kabataan. Ayon pa sa butihing Ama Kap. Ricky “, ibabalik ko ang Serbisyong Totoo sa aking mga anak dito sa aming Barangay 35. Kahit sa maliit na bagay maibigay ko sa kanila masaya na ako..kahit ngayon po, pag may humihingi sa akin tinutulungan ko po sa abot ng aking makakaya. Nararamdaman ko rin po kasi ang kanilang kahirapan, ang sa’kin, magtulungan lang po. Nais ko rin pong magpasalamat sa aming Mahal na Mayor Along Malapitan sa kanyang mga magagandang proyektong ibinaba sa aming barangay at asahan din po ng aming mahal na Mayor Malapitan ako po at ang aking anak na si Rowena ” Weng” Madali-Oros na tatakbo bilang kagawad ay susuporta sa mga Gawaing Panlungsod ng ating Alkalde!” ang madamdaming pahayag ng isang mabait at mapagmahal na Ama ng Barangay 35 na si Kap.Rogelio ” Ricky” Madali.

( Sonny Asignacion)