Kasama ang Rotary Club at nangakong may round 2… RHEA, namigay ng libreng gasolina sa 100 delivery riders at tricycle drivers

NAMIGAY ang CEO and founder ng Beautéderm Group of Companies na si Rhea Anicoche-Tan ng libreng gasolina sa 100 delivery riders at tricycle drivers.Bahagi ito ng programa ng Beautéderm ContriBeaut Foundation na “Biyaheng Kalinga Full Tank Gas for 100 Delivery Riders and Tricycle Drivers,” sa pakikipagtulungan ng Rotary Club of Balibago.Naganap ang pagpaparehistro sa Beautéderm Headquarters sa Angeles City noong Sabado, Marso 28, na kung saan ang unang 100 registrant ay nakatanggap ng full tank sa SEAOIL Gas Station sa Angeles City.Ayon pa kay Ms. Rei, na kasalukuyang presidente ng Rotary Club – Balibago, na ang programa ay kanyang paraan ng pagsuporta sa “mga modernong bayani sa kalsada,” lalo na sa panahon ito na humaharap na naman tayo sa matinding pagsubok na sanhi ng giyera sa Gitnang Silangan.Ang pondo para sa fuel giveaway ay mula sa kanyang charity auction, “Love in Every Bid: A Cause from the Heart,” na kung saan ipina-auction ni Ms. Tan ang kanyang mga personal na pre-loved na item, na-sold out lahat, upang makalikom ng pera para sa libreng gasolina.Layon ng Beautéderm at ng Rotary Club sa nakaaantig na programa na gumawa ng makabuluhang pagbabago sa buhay ng mga rider at driver, na labis na apektado sa pagtaas ng gasolina.Mabababasa nga sa kanyang Facebook noong Biyernes, Marso 27…“Bukas na ang pa free gas ni Mommy Ninang nyo ha.“Pumila ng maaga. Para pasok sa top 100 . Prang Miss U ihh.”Dagdag pa niya, “Di bale. Gagawa me ulit paraan pra maka round 2. God will provide.Basahin mabuti ang mechanics kapatad ne? Mikit tamu tomorrow, Pin : Beautéderm Headquarters. 8 am po mag start registration. God Bless us All!!”God bless you more Ms. Rei, dahil sa likas na pagiging generous, marami ka namang natulungan.(ROHN ROMULO)