LOKASYON NI ATONG ANG BINEBERIPIKA

PATULOY na biniberipika ng National Bureau of Investigation (NBI) ang impormasyong natatanggap tungkol sa lokasyon ng negosyanteng si Charlie ‘Atong’ Ang

Sinabi ni NBI Director Atty.Melvin Matibag na masusi nila itong sinusuri kung saan may nagsasabi na hindi pa nakakalabas ng bansa ang sinasabing mastermind ng missing sabungeros pero ang iba naman ay sinasabing nakalabas na ng Pilipinas.

Ayon kay Matibag , nagtalaga na ang NBI ng partikular na grupo na tututok sa paghahanap kay Atong Ang na itinuturing na ring isang pugante.

“I dedicated specific team composed of four to track”, ani Matibag.

Kabilang sa mga kasong kinakaharap ni Atong Ang ang ‘kidnapping with homicide’ at ‘kidnapping and serious illegal detencion’.

Sa kasalukuyan ay hindi pa rin nahahanap at lumulutang ang akusado sa kabila ng mga kinakaharap nitong mga kaso.
(Gene Adsuara)