Sa lumalalang gulo sa Gitnang Silangan… Wala pa munang mass repatriation ng OFWs- PBBM

IMPOSIBLE pa sa ngayon na maiuwi sa Pilipinas ang libo-libong Filipino sa iba’t ibang bansa sa Gitnang Silangan na humiling sa gobyerno na ibalik na sila ng bansa dahil sa lumalalang gulo sa rehiyon.
Inamin ni Pangulong Ferdinand Marcos Jr., na ang pagbyahe pabalik ng Pilipinas ng mga na-stranded na Filipino sa pamamagitan ng ‘ by air o by land’ ay imposible sa ngayon.
Habang naghihintay aniya para sa oportunidad na matiyak ang ligtas na paglabas nila sa Gitnang Silangan, hinikayat ng Pangulo ang mga Overseas Filipino Workers (OFWs) na “to stay put” at panatilihin ang kanilang sarili na malayo sa panganib.
Nauna rito, sinabi ng Pangulo na may kabuuang 1,416 Filipino ang nag-request na sila ay mapabalik na sa Pilipinas.
Mayorya aniya ng mga nagnanais na umuwi ng bansa ay mula sa United Arab Emirates (UAE), kung saan halos isang milyon ang nakabase. May 586 mula sa Dubai, at 270 naman mula sa Abu Dhabi.
Ang iba namang naghahangad na mapabalik na ng Pilipinas ay 297 OFWs mula Israel, 231 mula Bahrain, 22 mula Jordan, at 10 mula Iran.
Karamihan sa mga ito ay mga stranded workers na nakatakda nang pauwiin matapos na mapaso ang kanilang kontrata at permanenteng residente na nais nang makalabas mula sa mapanganib na bansa.
Gayunman, sinabi ni Pangulong Marcos, “the problem is no airplanes are flying, and some of the airports are not operating as they were hit by airstrikes.”
“Our assessment is that it is very dangerous to fly over there. Even if we bring in our own airplanes, we still cannot repatriate our countrymen since airports remain closed,” ang sinabi pa rin ng Chief Executive.
Winika pa ng Pangulo kung paano ang fighter jets ng Estados Unidos ay ‘mistakenly shot down’ ang Kuwait sa isang malinaw na ‘friendly fire incident.’
(DARIS JOSE)