Tiniyak na mas magiging maayos Ang serbisyong medikal… 7-storey na Ospital ng Tondo, itatayo – Yorme Isko

TINIYAK ni Manila Mayor Francisco “Isko Moreno” Domagoso na mas magiging maayos ang serbisyong medikal sa mga residente ng ikalawang distrito sa Tondo sa sandaling maisakatuparan at maitayo na ang bagong 7-storey hospital na Ospital ng Tondo.

Ang paniniyak ay ginawa ni Domagoso kasabay ng pagbili ng city government ng lupang pagta­tayuan bagong OsTon na 350% na mas malaki sa dati. Ang OsTon na dating kilala bilang Emmanuel Hospital, ay magbibigay ng mas malawak, mas mo­derno, at mas kumpletong serbisyong pangkalusugan para sa mga taga-Tondo at karatig-lugar.
Kasama sa pondo para sa pagpapatayo nito ang ibinigay ng national government bilang Local Government Support Fund (LGSF), na patunay ng matibay na kolaborasyon ng Pamahalaang Lungsod ng Maynila at ng national government.

“Bagama’t fiscally challenged ang Maynila, patuloy na ipinagkakatiwala ng mga taxpayer ang kanilang hard-earned money sa pamahalaang lungsod, with our commitment to spend it efficiently, diligently and effectively,” dagdag ni Domagoso.
Ang itatayong Ospital ng Tondo ay bahagi ng mas malawak na programa ng pamahalaang lungsod na nakatuon sa Minimum Basic Needs, kabilang na ang pangangalagang pangkalusugan.
(Gene Adsuara)