CEREMONIAL TURNOVER NG CALIRAYA- BOTOCAN-KALAYAAN (CBK) PUMP-HYDRO STORAGE PLANT SUPORTADO NI PBBM

PINASINAYAAN kahapon Pebrero 9, Lunes sa Kalayaan Plant Complex, Barangay San Juan, Kalayaan, Laguna ang ginanap na Caliraya-Botocan Kalayaan (CBK) Transition of Stewardship upang markahan ang paglilipat ng pagmamay-ari ng 797 Megawatt (MW) CBK Hydroelectric Power Plants sa Thunder Consortium, na binubuo ng Aboitiz Renewables, Inc., Sumitomo Corporation, at Electric Power Development Co., Ltd., naging matagumpay na nanalo sa bidding ang Power Sector Asset LM. noong taon 2025.

Ang pagbebenta ng CBK ay ang pinakamalaking pribatisasyon na proyekto ng PSALM noong nakaraang taong 2025.

Ang paglulunsad ay dinaluhan nina Department of Energy (DOE) Secretary Sharon Garin, Department of Finance (DOF) Acting Secretary Frederick Go, Sec. Lagdameo, Sec. Roque kasama ang Lokal na Pamahalaang Lalawigan ng Laguna sa pangunguna ni Gobernadora Sol Aragones, kasama si Congressman Benjie Agarao ng ikaapat na Distrito ng Laguna.

Dumalo rin ang mga Punong Bayan mula sa ikaapat na distrito ng laguna na sina Mayor Belen Raga ng Pamahalaan Bayan ng Lumban, Mayor Sandy Laganapan ng Pamahalaang Bayan ng Kalayaan, Mayor Romy Amorado ng Pamahalaang Bayan ng Majayjay, Mayor Arrantlee Arroyo ng Pamahalaang Bayan ng Cavinti.

Gayundin mga opisyal ng Aboitiz Equity Ventures CEO Sabin Aboitiz, Aboitiz Power Chief Commercial and Stakeholder Engagement Officer Danel Aboitiz, Japanese Ambassador Endo Kazuya.

Ayon kay President Marcos, Jr.
“This privatization reflects investors’ confidence in the direction of our country’s energy sector,”

Dagdag pa niya, “It also demonstrates once again how strategic public-private collaboration transforms investment in essential infrastructure into reliable, everyday services that people can trust,”

Labis ang pasasalamat ng Pangulo, sa Thunder Consortium sa pagtanggap ng responsibilidad para pangasiwaan nang pangmatagalan ang nasabing power plant.

Ayon sa Pangulong Marcos, ang privatization ay nagkakahalaga ng mahigit Php36.27 bilyon upang magbigay-daan para mailaan ang pondo sa mahahalagang pangangailangan ng publiko tulad ng silid-aralan, kalsada at mga ospital.
(Yvonne Bagang/ Photos: Boy Morales Sr.)