Kudeta sa Kamara, ibinasura ni House Majority Leader Ferdinand Alexander “Sandro” Marcos

IBINASURA ni House Majority Leader Ferdinand Alexander “Sandro” Marcos ang tsismis na kudeta sa Kamara dahil nananatili pa rin ang buong suporta ng mga mambabatas kay Speaker Faustino “Bojie” Dy III.
“I don’t know of any coup in Congress at any point in time,” pahayag ni Marcos nang tanungin ukol sa tsismis.
Ayon sa Ilocos Norte congressman, walang basehan ang isyu sa pag-alog sa liderato ng Kamara.
Ito ay dahil patuloy pa rin aniya ang suportang ibinibigay kay Dy.
“As far as I’m concerned, everyone is confident and happy with the leadership of Speaker Bojie,” ani Marcos.
Sinabi pa nito na nakapagbigay si Dy, bilang lider ng Kamara, ng matatag at maayos na pamumuno lalo na sa pagtuon ng pansin sa internal reforms at institutional credibility.
“He has been steering the House through his own quiet brand of leadership, which is what I think the House needs now, and instituting the reforms that the House requires to show to the Filipino people,” dagdag mito.
(Vina de Guzman)