Maraming fans ang kanyang pinakilig… ALLEN, sinorpresa ang lahat sa inihandang espesyal na Valentine’s date proposal kay SOFIA

NAGPAKILIG sa maraming fans ang Team Jolly nila Allen Ansay at Sofia Pablo last February 4 sa programang ‘TiktoClock.’

Sinorpresa ni Allen ang lahat nang maghanda siya ng isang espesyal na Valentine’s date proposal.

Matapos abutan ng bulaklak si Sofia, bigla siyang lumuhod sa gitna ng stage habang may hawak na regalo.

“Hindi ko na ulit hahayaang mawala ka ulit sa akin, Aki. Will you be my Valentine date?” tanong ni Allen.

Masayang tinanggap ni Sofia ang munting handog at agad na niyakap ang Kapuso star. Hindi mapigilang ikinatuwa ng buong Tiktropa at ALFIA fans ang nakakakilig na moment ng dalawa.

Nang tanungin si Allen ng ‘Kumusta na ang puso nating ngayong Feb-ibig?’ Sagot niya: “Grabe ‘yung heartbeat! Masayang, masaya!”

Mapapanood naman ang Team Jolly sa upcoming horror film ng GMA Pictures at Mentorque Inc. na ‘Huwag Kang Titingin. ‘

Kasama rin sa cast sina Marco Masa, Sean Lucas, Michael Sager, Charlie Fleming, Josh Ford, Kira Balinger, Shuvee Etrata, Anthony Constantino, at marami pang iba.

***

BALIK sa mundo ng pageantry ang Sparkle artist na si Roxie Smith.

Siya ang napiling mag-represent ng Baguio sa Miss Universe Philippines 2026.

Suot ang sash at korona, caption ni Roxie sa Instagram: “A dream with no limits. Hello Universe! Breathe, rise, represent @missuniverseph_baguio.”

Bago na-launch si Roxie bilang isa sa Sparkada ng Sparkle GMA Artist Center noong 2022, nakoronahan na siya bilang Miss Philippines Earth 2020. Ang real name niya ay Roxanne Allison Agnaonao Baeyens.

Dahil nagkaroon ng pandemic noong manalo siya, naging online ang competition para sa Miss Earth. Hindi raw siya nakapag-travel bilang Miss Philippine Earth dahil maraming restrictions noon.

Kaya nais ng 28-year old Fil-Belgian actress na sumali ulit sa beauty pageant para mabuo ang experience niya bilang beauty queen.

Lumabas na si Roxie sa ilang shows ng GMA tulad ng Unang Hirit, Daig Kayo Ng Lola Ko, Regal Studio Presents, Magpakailanman, Sparkle U, Tols, Happy ToGetHer, Hearts On Ice, Shining Inheritance, Black Rider, Pepito Manaloto, Beauty Empire, at Sanggang-Dikit FR.

***

NAGKAROON ng “senior moment” ang film and music legend na si Cher sa nakaraang Grammy Awards.

Nagkamali ang 79-year old icon sa pag-announce ng winner sa Record of the Year. Imbes na si Kendrick Lamar, nasabi niya ay Luther Vandross dahil nakita raw niya ang name na “Luther” na title pala ng winning song.

Mabilis naman naayos ang naging blooper ni Cher at pinagtawanan na lang niya ang nangyari onstage.

First time daw na mag-present sa Grammy Awards si Cher after 18 years. Kaya kinabahan daw siya.

I”I don’t do this part very well. I mean, put a microphone in my hand, have some music, I’m great!” biro pa niya.

(RUEL J. MENDOZA)