Tulak, huli sa drug bust sa Valenzuela

SINAKSIHAN ng pinakamasipag na Kagawad ng Brgy., Karuhatan, Valenzuela City na si Kagawad Deng Antonio ang isinagawang markings at pag-imbentaryo ng mga ebidensyang nasamsam kay alyas “Chong”, 52, kabilang dalawang plastic sachets na naglalaman ng nasa 10 grams ng hinihinalang shabu na may standard drug price na P68,000, buy bust money, P300 cash at coin purse.
Ang suspek ay naaresto ng mga operatiba ng Station Drug Enforcement Unit (SDEU) sa pangunguna ni P/Lt. Sherwin Dascil sa buy bust operation sa Manggahan St., Brgy., Karuhatan ng lungsod. (Richard Mesa)