Pumalag din ang pamba-bash sa yaya na naka-uniform… KRIS, ‘di itinanggi na naging O.A. dahil halos sambahin si VICE GANDA

SINAGOT ni Kris Bernal ang mga bashers n’ya.

Dalawa sa mga ito ay ang tungkol sa pagiging O.A. raw n’ya dahil sa ginawa n’yang halos sambahin si Vice Ganda nang makita n’ya at mag-guest siya sa “It’s Showtime.”

Inamin naman ni Kris na O.A. siyang talaga sa kanyang Tiktok account.

Sey n’ya, “Alam n’yo ang daming nairita sa akin at sabi nila, ang O.A. ko raw. Pero alam n’yo, ang O.A. ko talaga. Ang nangyari kasi, yung ibang hosts, nakita ko na sila sa backstage.

“Si Meme Vice, ang tagal ko na sa showbiz, noon ko lang talaga siya nakita. Pina-follow ko lang siya. Tapos nakatabi ko siya, nahawakan n’ya ko, parang ‘di totoo! O.A, O.A.”

With regards naman sa yaya ng anak nila na kunsaan, naka-uniporme raw ‘pag lalabas sila, parang pinapamukha na mataas sila at mababa ang yaya.

Pumalag si Kris dito at kinuwento na ‘pag bago ang yaya, tinatanong nila kung ano ang gusto. Naka-uniform o hindi, mismong ang yaya raw nila ang may choice, kahit na kapag lalabas sila. So, ano raw ba ang magagawa n’ya?

Hmmm in fairness na-explain naman ng main kontrabida ng ‘House of Lies’ ang isyu. Pero sa pagka-faney, medyo bawasan din n’ya siguro ang pagiging O.A. na lang.

***

PUMATOL na rin ang ina ni Rhian Ramos sa naging akusasyon sa kanyang anak, maybe, along with her friends na sina Michelle Dee at Samantha Panlilio sa akusasyon ng driver ni Rhian.

Ayon kay Clara Ramos, “I don’t understand VACC’s support for a lying thief. Nagpa-interview pa left and right, dishing out unverified information.
“It has helped fuel this social media frenzy, leaving the ones stolen from and betrayed to be victimized even more by depraved imaginations with stories morphing like cancer.

“Watching the internet tear my daughter apart for things she didn’t do. She doesn’t deserve this.

“Sure, through the years we know bashers will bash, but this?
“This is brutal, and whoever’s running this show is sick!”

Si Rhian naman, ay may cryptic post na mga symbol ng isda.