Impeachment complaint na inihain laban kay PBBM, tatalakayin na sa Kamara

MAGPUPULONG na sa Lunes ang House Committee on Justice para talakayin ang impeachment complaint na inihain laban kay Pangulong Bongbong Marcos.

Nakapaloob ito sa isang notice mula kay Batangas Rep. Gerville Luistro, Chairman ng Justice Committee.

Sisimulan ang kunsiderasyon sa dalawang verified impeachment complaints laban sa Pangulo.

Ang dalawang reklamo ay inihain nina Atty. Andre de Jesus na inendorso ni Rep. Jernie Nisay at ang ikalawa ay inihain naman ni dating Rep. Liza Maza na inindorso naman nina ACT Teachers Partylist Rep. Antonio Tinio, Gabriela Partylist Rep. Sarah Elago at Kabataan Partylist Rep. Renee Luise Co.

Gaganapin ang unang pagpupulong sa Pebrero 2, ng alas 10 ng umaga sa People’s Center sa Kamara.

Pinadalhan na rin ng komite ng imbitasyon Ang mga nasabing personalidad.
(Vina de Guzman)