Korean singer na si Chung Ha at dalawang staff, nagpositibo sa COVID-19

NAKASAILALIM sa self-quarantine ang South Korean singer na si Chung Ha.

Ito ay makaraan na dalawa sa kanyang staff ang magpositibo sa COVID-19 pagkatapos ng kanilang show sa Italy.
Sa pahayag ng MNH Enter-tainment, katatapos lamang mag-show sa Italy ni Chung Ha at pagbalik ng South Korea, dalawa sa kanyang staff ang nagpositibo sa sakit.

Ang singer ay negatibo naman sa sakit pero base sa utos ng Korea Centers for Disease Control and Prevention kailangan siyang sumailalim sa self-isolation.

Dahil dito, kanselado na ang lahat ng naka-schedule na show ng singer.

Kabilang sa nakansela ang show ni Chung Ha sa Clouds Festival sa Jakarta.