(ML) Partylist Rep. Leila M. de Lima, nakiusap na huwag siyang ikumpara kina Trillanes at Sen Bato dela Rosa

HUWAG ikumpara, ito ang pahayag ni House Deputy Minority Leader at Mamamayang Liberal (ML) Partylist Rep. Leila M. de Lima sa pagkumpara sa kanya at kay dating Senador Trillanes sa sitwasyon ni Senador Bato dela Rosa.
“With due respect, Senate President Tito Sotto should not compare me or Sen. Trillanes with Sen. Bato’s situation,” ani de Lima.
Sinabi ng mambabatas na ang hindi nila pagdalo sa sesyon sa senado noong senador pa siya ay involuntary.
Pahayag pa nito na hindi siya makadalo sa senado dahil nakakulong siya dala ng gawa-gawang kaso na isinampa laban sa kanya ng Duterte administration.
Habang si Sen. Bato aniya ay nagtatago (running away) umano mula sa posibleng pag-aresto ng ICC.
“Kahit nakakulong ako noon at kahit mahirap dahil wala akong kahit anumang gadget, nagtatrabaho po ako bilang Senador sa pagpa-file ko ng maraming bills na ilan sa kanila ay naging batas. Nakiusap pa nga ako na mag-participate sa online sessions and hearings ng Senate during pandemic dahil ginagawa naman na yun, pero hindi napagbigyan ng mayorya ng Senado,” dagdag nito.
Ang kanyang pagsusumikap na magawa ang tungkulin kahit na nakakulong ay malinaw na ebidensiya ng pagtatrabaho at intensiyong makapagtrabaho.
“Wag nyo naman po kaming gamiting excuse sa hindi pagdisiplina sa isang delinkwenteng senador,” pagtatapos ni de Lima.
(Vina de Guzman)