Pinalabas kasi ng OFW na nag-video na ‘di siya nakilala… VICE GANDA, dala-dala sa show ang hugot sa naging experience sa airport

ANG daming mga individual issue sa ilang members ng tinaguriang Nation’s Girl Group, ang BINI.

Nagbakasyon lang during the holidays, pero may mga isyu na naidikit na sa bawat isa. Nand’yang si BINI Aiah raw ay dumadaan na naman sa anxiety at may chika pa na baka mawala sa grupo.

Pero may nagsabi sa amin na wala itong katotohanan.

Ang isa sa pinag-uusapan ngayon, kung sa South Korea, palaging may pasabog ang Dispatch at scoop na celebrity couple, para tuloy sina BINI Jhoanna at Skusta Clee naman.

Oppps, wala pa itong kumpirmasyon. May mga naglalabas lang kasi ng ebidensiya na kesyo may sighting daw kay Jhoanna sa Vietnam.

At nang mapagkonek-konek naman ang mga social media entry or post nila, kesyo pareho raw ang mga background at post.

‘Yun lang, halos lahat yata ay against. At lahat din ay umaasa at maaaring nananalangin na sana, wala raw itong katotohanan.

Ang dahilan, walang may gusto kay Skusta para kay Jhoanna. Sa mga hindi nakakaalam, si Skusta ang tatay ni Bia na anak ni Sheinab Harake.

Quiet si Jhoanna sa isyu kahit ang daming nagtatanong sa kanya. Ang ginawa n’ya, ni-repost n’ya ang X post niya noong October na, “What keeps my heart strong is knowing that God knows my heart.

“People can say whatever they want, they can make stories or judge without knowing the truth but at the end of the day, God sees everything and that’s enough for me.

“Kasi as long as my intentions are pure and my heart is right, I don’t have to explain myself to anyone.”

***

HANGGANG sa ‘It’s Showtime’ ay dala-dala ni Vice Ganda ang tila hugot n’ya sa naging experience sa airport.

May nagvi-video kasi kay Vice na OFW. Hindi n’ya pinaglagpas na maparinggan ito. May isang contestant ng “Laro Laro Pick” na sinabihan n’yang kamukha raw no’ng babae.

Sey n’ya, “Ay, kilala ko to, e, sikat to, e. Sikat to e, artista to e.”

Para kay Vice, hindi totoong hindi siya kilala na ginawa pa siyang content.
“Echoserang hindi niya alam pangalan ko, e, kitang-kita ko siya.

“No’ng nakita niya ako, sabi niya, ‘Ay, si Vice Ganda,’ tapos bini-video niya ako.
Ayoko nang ikuwento nang buo dahil maba-bash ka lalo, ‘Day.”

Napakarami ngang kampi kay Vice sa isyung ito. Pero meron din nagsasabi na kesyo masyado na raw nagmamataas, huh.

(ROSE GARCIA)