Mag-isip-isip muna bago siya mag-post: DEREK, basag na basag sa mga resibong nilalabas ni ELLEN

ISA sa mga horror films na ipalalabas ngayong taon na personally, looking forward kaming mapanood ay ang “KMJS Gabi ng Lagim” na produced ng GMA Films at GMA Public Affairs.

Trilogy ito with “Pocong” na dinirek ni Yam Laranas, “Berbalang” ni Dado Dayao at “Sanib” ni King Mark Baco. And of course, narrated by Ms. Jessica Soho.

Sampung taon na halos ang KMJS Gabi ng Lagim sa telebisyon, pero ang kaibahan nito ngayon, sa big screen mapapanood with Elijah Canlas, Rocco Nacino, Miguel Tanfelix, Sanya Lopez, Therese Malvar at Jillian Ward.

May kanya-kanya silang kuwento, lalo na habang sinu-shoot nila ang movie, pero sa kuwento ni Miguel, first time raw niyang mahimatay.

Nagkataon na ang location nila ay sa freezer, sobrang lamig dapat. Naka-makapal din siyang damit, pero in reality, sobrang init daw sa lugar na pinagsu-shootingan nila.

Nasabi pa raw niya na, “Mahihimatay yata ako,” bago siya nahimatay na nga. Hindi raw niya alam ang nangyari, paggising niya nasa labas na siya. Dahil noon lang niya ‘yon naranasan, natakot daw siyang talaga.

Ang KMJS Gabi ng Lagim ay ipalalabas na simula sa Miyerkules, November 26.

***

KUNG may ipo-post si Derek Ramsay bilang pagtatanggol siguro sa sarili niya, mabuting mag-isip muna ‘to ng maraming beses.

Natatapatan ni Ellen Adarna ng resibo na dahilan para isiping nagsisinungaling ang actor.

Naglabas kasi sa kanyang You Tube video ang US-certified dating/matchmaking coach na si Dating Coach Vee or si Vanessa Antonio na napansin niyang pagiging red flag na ni Derek sa relasyon na kunsaan, sinagot ni Derek na, “For your information I never cursed my wife mam!!! Ellen and I would always prank each other and we never got mad at each other.”

Ang ginawa ni Ellen, ini-screen shot niya ang reaction na ito ni Derek at may caption na, “Hay naku derek…” at saka n’ya itinag ang @bnc.ph at @datingcoachvee.

Kasabay nito ang hawak niyang resibo kunsaan, maririnig sa short video ang boses ni Derek na tila galit.

Sa video, maririnig na sinasabi niya na, “Napakaduwag mo. Puro ka lang salita. ‘Yan ang problema sa ‘yo. Go away you fucking conflict in life.”

At dahil nga may resibo si Ellen, pati oras at date kung kailan nangyari ang pagmumura raw sa kanya ni Derek ay naasabi niya.

Ayon pa rito, “I was 6 months pregnant here. Check time and date.”

In fairness, ang daming kampi at saludo sa ginagawang ito ni Ellen.

(ROSE GARCIA)