Life imprisonment ALICE GUO, HINATULAN NG GUILTY SA KASONG QUALIFIED HUMAN TRAFFICKING

HINATULAN ng guilty si dating Bamban, Tarlac Mayor Alice Guo sa kasong qualified human trafficking na konektado sa iligal na operasyon ng POGO hub sa nasabing bayan.Si Guo ay hinatulan ng life imprisonment kasama sina Jaimielyn Santos Cruz, Racelle Malonzo Carreon, Walter Wong Rong ng Pasig RTC Branch 167.Ayon kay Department of Justice (DOJ) Under Secretary Nicholas Ty, ito ang bunga ng lahat ng kanilang trabaho kaya masaya sila sa naging hatol ng korte .Dagdag pa, Ikinatuwa nila na nakamit ang hustisya hindi lamang sa paghatol kay Guo at iba pa kundi pati sa forfeiture ng Bamban property.Bukod sa habambuhay na pagkakakulong, pinagmumulta rin ng korte ng tig P2 milyon ang nabanggit na mga indibidwal .Sinabi rin ni Ty na ang human trafficking case ang “pinakamabigat” sa mga kaso ni Guo, bukod pa sa falsification of public documents at money laundering. (Gene Adsuara)