Kelot, isinelda sa frustrated homicide sa Valenzuela

KALABOSO ang 20-anyos kelot na wanted sa kaso ng frustrated homicide matapos matimbog ng pulisya sa ikinasang manhunt operation sa Valenzuela City.

SA ulat, ikinasa ng mga operatiba ng Valenzuela Police Warrant and Subpoena Section (WSS) ang pagtugis sa 20-anyos na kelot na kabilang sa mga Most Wanted Person ng Valenzuela Police.

Dakong alas-5:10 ng hapon nang tuluyang masukol ng mga operatiba ng WSS sa pangunguna ni P/Lt. Felix Viernes ang akusado sa Brgy., Gen T De Leon.

Hindi naman umano pumalag ang akusado nang isilbi sa kanya ng pulisya ang warrant of arrest para sa kasong Frustrated Homicide.

Ang warrant ay inisyu ng Regional Trial Court, Branch 171, Valenzuela City, noong November 17, 2025 na may inirekomendang piyansa na P72,000.00 para sa pansamantalang paglaya ng akusado.

Pansamantalang nakapiit ang akusado sa custodial facility unit ng Valenzuela City Police habang hinihintay ang pagpapalabas ng commitment mula sa korte. (Richard Mesa)