Ibat ibang samahan nagpakita ng suporta para kay PBBM

LUNGSOD NG QUEZON – Sa pangunguna ng Filipinos Do Not Yield (FDNY) Movement, Alyansa Bantay Kapayapaan at Demokrasya (ABKD), at iba’t ibang samahan ay nagsagawa ng isang Anti-Corruption and Peace Rally, na may temang, “Protect PBBM, protect the mandate of the Filipino People” hapon ng ika-18 ng Nobyembre 2025, sa Welcome/Mabuhay Rotonda, sa Lungsod ng Quezon, ay naglalayong ipakita ang paninindigan at suporta kay Pangulong Bongbong Marcos Jr. at pagpapanagot sa lahat ng sangkot sa katiwalian sa flood control projects.“Mariin naming kinokondena ang anumang uri ng kaguluhan at katiwalian na sumisira sa kapakanan at kapayapaan ng bayan. Naninindigan kami para sa isang lipunang makatarungan, mahinahon at may paggalang sa karapatan ng bawat Pilipino. Hinihikayat namin ang bawat Pilipino na patuloy na maging mapagbantay laban sa mga gawaing hindi makakatulong sa ikakabuti ng sambayanan. Pagsunod sa mga demokratikong proseso, umiiral na mga batas, at ang mandato na ibinigay ng mamamayan sa ating mahal na Pangulo upang matiyak na may matibay na ebidensyang maihahain sa hukuman upang maipakulong at mapanagot ang lahat ng mga sangkot sa korapsyon sa flood control projects”, ayon sa pahayag ni Giselle Albano, ang tagapagsalita ng FDNY Movement.“Kami ay patuloy na maninindigan, makikipagtulungan at ipagtatanggol ang administrasyon ni Pangulong Ferdinand “Bongbong” Marcos Jr., para sa pagtataguyod ng Bagong Pilipinas para sa tao at para sa bayan. Ang tao, ang bayan, ayaw ng kaguluhan at katiwalian. Protect PBBM, protect the government of the people, by the people, for the people,” dagdag ni RJ Villena Jr., ang tagapagsalita ng Alyansa Bantay Kapayapaan at Demokrasya (ABKD).Sa pagtatapos ng programa, hinikayat ng mga taga-suporta ni PBBM ang mamamayan na makiisa sa pagtataguyod ng kapayapaan, demokrasya at maayos na pamamahala para sa Pilipinas nating mahal. (PAUL JOHN REYES)