Biggest joke of the century ayon kay Davao City Rep. Paolo Duterte ang posibilidad na maging ‘State Witness’ si Leyte Rep. Martin Romualdez

REAKSYON ito ni Davao City Rep. Paolo Duterte sa posibilidad na “state witness” status ni Leyte Rep. Martin Romualdez sa imbestigasyon sa flood control projects.

Ayon sa mambabatas, para umanong isang buwaya na tetestigo sa kapwa buwaya matapos lamunin ang ilog.

“Ang magnanakaw, gusto pang maging testigo sa sarili niyang nakawan,” ani Duterte.

Sinabi pa nito na naging katawa+ tawa ang Pilipinas sa ibang bansa, hindi lamang sa sistematiko at malawak umanong korupsyon kundi kung papaano pinagtatakpan ang isyu.

Dagdag pa aniya ang kawalang hakbang para kanselahin ang pasaporte ng dating mambabatas na si Zaldy Co na nais pasagutin sa mga kontrobersiya.

“Is this how stupid this administration look at the Filipino people? Are they not ashamed with our neighbors abroad? The ship is sinking, and it is sinking fast… but the culprits cannot be made to answer because they are in power… something must be done and done fast or else there would be nothing left for the generations to come….”pagtatapos ni Duterte.
(Vina de Guzman)