MAGIGING STATE WITNESS SI ROMUALDEZ, FAKE NEWS

WALANG katotohanan ang kumakalat sa social media na sinabi ni Ombudsman Crispin Remulla na isang mataas na opisyal mula sa Leyte ang magiging state witness kasabay din ng mga naglabasang larawan nito kasama si Rep. Martin Romualdez na may caption na “state witness”.

Tinawag ito ni Remulla na propaganda para galitin ang taumbayan.

Sinabi ni Atty. Mico Clavano IV, na niloloko at pinaglalaruan ng mga nasa likod ng mga pekeng post na ito ang damdamin ng mga Pilipino ang pagpapakalat ng fake news.

Kasabay niyan ay nagpaalala sa publiko na mag-ingat sa mga pekeng balita sa social media.

Nauna nang sinabi ni Remulla na mayroon na silang kinokonsidera na isang state witness sa isinasagawang imbestigasyon sa maanomalyang flood control projects. (Gene Adsuara)