May pagkakatulad ang nangyari sa kanila: CHERRY PIE, na-amaze sa pagpapatawad ng biyuda ni CHARLIE KIRK na si ERIKA

MAY pagkakatulad sina Cherry Pie Picache at Erika Kirk, ang biyuda ni Charlie Kirk, ang American political activist na binaril sa Utah Valley University sa Amerika nitong September 10 this year.
September 2014 naman ay brutal na pinatay ang ina ni Cherry Pie na si Zenaida Sison ng dati nilang kasambahay, si Michael Flores.
After 5 years, year 2019, pinuntahan ni Cherry Pie sa kulungan ang killer ng kanyang ina at pinatawad.
Nito namang September 21 of this year, pinatawad ni Erika ang pumaslang kay Charlie, si Tyler Robinson, sa kanyang speech sa isang memorial service para kay Charlie sa State Farm Stadium sa Glendale, Arizona.
Kaya hiningan namin ng reaksyon si Cherry Pie sa ginawa ni Erika dahil halos pareho ang kanilang pinagdaanan.
“It’s ano, that’s only by God’s grace, that’s God’s blessings, di ba?
“For her to be able to forgive the killer?
“It’s not easy, di ba, nung sinabi niya naman, ‘It’s not easy, it’s a process’.
“Pero that’s God’s grace, yung ganun. And I think it will both heal the victim and the assailant. Di ba?
“So walang talo dun.”
May mga nagpadala kay Cherry Pie ng video kung saan pinatawad nga ni Erika ang pumatay kay Charlie.
“Kasi nga, iyon nga, they remind… you know, parang they remembered me, parang ganyan. So ano, ang galing, ang galing!”
Ano ang naramdaman niya sa ginawa ni Erika?
“Na-amaze! Na-amaze ako. Na di ba, yung parang sa akin, yes, that’s possible by God’s grace.”
Pinatunayan nila ni Erika na posible palang mapatawad ng isang tao ang pumatay sa kanyang mahal sa buhay.
“Yes.”
Kung mabibigyan si Cherry Pie ng chance makilala at makausap si Erika, ano ang sasabihin niya sa biyuda ni Charlie?
“Ano, sasabihin ko sa kanya, ‘Congratulations!’
“And ah, I mean, ‘Congratulations, that’s very healing, what you did.’
“And di ba, ‘It will bring you so much healing. I know it’s not easy, I know it’s difficult’, pero tama yung ginawa mo. ‘What you did is right!’”
Samantala, bida si Cherry Pie sa pelikulang “The Last Beergin” na palabas ngayon sa mga sinehan.
Kasama ni Cherry Pie sa pelikula sina Pepe Herrera, Xyriel Manabat, Zaijian Jaranilla, Minnie Aguilar at JC Santos, sa direksyon ni Nuel Naval.
Ang “The Last Beergin” ay mula sa Cineko productions at Obra Cinema.

(ROMMEL GONZALES)