DRUG-DEN SINALAKAY NG PDEA, 4 NA SUSPEK TIMBOG

NAGSAGAWA ng joint buy-bust operation ang mga drug busters ng Philippine Drug Enforcement Agency Regional Office 10 – Misamis Oriental Provincial Office, sa koordinasyon ng PNP CIB at COCPO PS2, na nauwi sa pagkalansag sa drug den at matagumpay na naaresto ang apat (4) na drug personalities noong Setyembre 9, 2025, Barangay 20525, Ram. Cagayan de Oro City.

Nakumpiska sa operasyon ang humigit-kumulang pitong (7) gramo ng hinihinalang shabu, na may street value na aabot sa halagang ₱47,600.

Kinilala ni PDEA Regional Office 10 Regional Director Alex M. Tablate ang mga naaresto na sina:

Si alyas “Julius”, 26 taong gulang, binata, residente ng Justo Ramonal, Brgy. 29, Cagayan de Oro City.

Si alyas “William”, 47 taong gulang, may asawa, residente ng Justo Ramonal, Brgy. 29, Cagayan de Oro City.

Alyas “Ken”, 29 taong gulang, may asawa, residente ng Lapas I, Lapasan, Cagayan de Oro City.

Si alyas “Dwight”, 26 taong gulang, binata, at residente ng Jose Rivera St., Brgy. 27, Cagayan de Oro City.

Ang apat na suspek ay mahaharap sa kasong paglabag sa Article II ng Republic Act 9165, o mas kilala bilang Comprehensive Dangerous Drugs Act of 2002.

Nananatiling matatag ang PDEA RO-10 sa kampanya laban sa ilegal na droga at hinihimok ang publiko na manatiling mapagmatyag at mapanatili na ang Cagayan de Oro ay maging ligtas na komunidad laban sa ilegal na droga. (PAUL JOHN REYES)