Umalma na rin si Maine dahil sa pambabatikos: Cong. ARJO, mariing itinanggi ang alegasyon ng mag-asawang DISCAYA

MARIING itinanggi ni Quezon City First District Representative Arjo Atayde ang alegasyon ng mag-asawang Curlee at Sarah Discaya na kasama siya sa tumanggap ng porsyento mula sa flood control projects ng Department of Public Works and Highways (DPWH).

Ang pagsasangkot ay ginawa ng mga Discaya sa Senate Blue Ribbon Committee inquiry nitong Lunes, Setyembre 8, 2025, kasama pa ng ilan pang politiko.

Sa official statement na nilabas ng actor-politician sa pamamagitan ng Instagram post, sinabi nito na…

“I categorically deny the allegation that I benefited from any contractor.

“I have never dealt with them. Hindi totoo ang mga akusasyon na ito.

“I have never used my position for personal gain. And I never will.

“I will avail of all remedies under the law to clear my name and hold accountable those who spread these falsehoods.”

Samantala, umalma ang TV host-actress na si Maine Mendoza sa mga pambabatikos na natatanggap niya ngayon at kanyang asawa.

Naglabas nga ng pahayag si Maine, sa kanyang post sa X (dating Twitter), at sinabi nito na “baseless allegations” ang mga paratang laban kay Cong. Arjo.

“Teka lang muna, those are baseless allegations. Please refrain from throwing hate and personal attacks at him, including me and our family until facts come out.

“I am with my husband in this. Wala siyang ginagawang masama sa loob.

“He has been doing his best to serve the people of his district in Quezon City since the beginning,” pahayag niya.

Dagdag pa ng ‘Eat Bulaga!‘ host, “I sincerely hope and pray that the people who are TRULY responsible will be held accountable and that innocent individuals be spared from this mess.

“Napaka unfair.“