KARAGDAGANG PONDO, PARA SA BSKE ELECTION 

MANGANGAILANGAN ng karagdagang halos mahigit P3 bilyon ang  Commission on Elections (Comelec)  kapag ang Barangay at Sangguniang Kabataan Elections (BSKE) ay gagawin sa Disyembre ngayong taon kung ipagpapaliban ito sa 2026, sinabi ng Comelec.

Inihayag ito ni Comelec Chairman George Garcia sa deliberasyon ng House Appropriations committee’s sa proposed P11.5 bilyong budegt para sa 2026 matapos siyang tanungin kung nanatiling handa ang komisyon na magsagawa ng BSKE ngayong taon kung magpasya ang SC na ang batas na nagpapaliban sa halalan ay iligal.

Ipinag-utos ng Korte Suprema ang pagsama-sama ng mga petisyon na ipagpaliban ang BSKE.

Nanindigan si Garcia na ang Comelec ay mayroon lamang nakalaan na P10 bilyon pondo para sa pagsasagawa ng BSKE na huling idinaos noong Oktubre 2023.

Ayon kay Garcia, ang budget deficit para sa pagsasagawa ng BSKE ay lolobo ng P9 bilyon kapag ipinagpaliban ito sa Nobyembre 2026 matapos lagdaan ni Pangulong Ferdiannd Marcos Jr at parehong batas din na kinuwestyon sa Mataas na Hukuman. (Gene Adsuara)