QC LGU, ERC AT MERALCO LUMAGDA SA KASUNDUAN UPANG MAGTULUNGAN SA PAGSUSULONG SA PAGGAMIT NG RENEWABLE ENERGY
- Published on August 9, 2025
- by @peoplesbalita
LUMAGDA sa kasunduan ang Quezon City Local Government, Energy Regulatory Commission o ERC at Meralco upang magtulungan sa pagsusulong sa paggamit ng renewable energy.Sa ilalim ng Memorandum of Agreement, paiigtingin nito ang pagsusulong ng Net-Metering Program at Distributed Energy Resources.
Ito ay upang mapabilis at maging accessible sa mga residente ang pag-transition sa renewable energy.
Ayon kay Mayor Joy Belmonte, layon nito na pagtibayin ng Quezon City LGU, ERC at Meralco ang kolaborasyon na makakatulong sa kampanya ng lokal na pamahalaan na mabawasan ang carbon emission sa lungsod.
Aniya, sa inaprubahan ay mas pinalawig na green building ordinance sa Quezon City, tinitiyak nito na ang lahat ng itatayong gusali at ire-renovate na establisyimento ay environment friendly at naaayon sa international standards.
Ang nasabing MOA signing ay sinaksihan ng mga City Department Heads, Meralco Officials at iba pang opisyal ng ERC. (PAUL JOHN REYES)