Pinas, masidhi ang pagsunod sa rules-based order sa gitna ng tensiyon sa WPS

PATULOY na magiging masidhi at vocal ang Pilipinas sa pagsusulong para sa rules-based international order.

“We continue to be a vocal and fierce advocate for adherence to the rules-based international order,” ang sinabi ni Pangulong Ferdinand Marcos Jr. sa The President’s Report to the People 2022-2025.

Tinukoy ang napananatiling diplomatiko at legal na pagtugon sa usapin ng West Philippine Sea.

Ayon sa Pangulo, ang foreign policy ng Pilipinas ay nananatiling ginagabayan ng 1982 United Nations Convention on the Law of the Sea (UNCLOS) at 2016 Arbitral Award on the South China Sea.

Iniulat ng Pangulo na ang Department of Foreign Affairs ay nakapagtala ng kabuuang 219 diplomatic protests mula July 1, 2022 hanggang May 9, 2025 laban sa patuloy na “illegal, coercive, aggressive, at deceptive actions” ng Tsina sa rehiyon.

Sinabi pa niya na bagama’t ang pagsisikap na ipagtanggol ang karapatan ng Pilipinas ay pinaigting, nananatili naman ang gobyerno na mapagpasensiya sa parehong pagganap.

(Daris Jose)