FLOATING BRIDGE,  INILAGAY NI VM CHI SA TONDO

MALAKING ginhawa para sa mga residente ang pangarap ni Manila Vice Mayor Chi Atienza sa pagpapatayo o paglalagay ng tulay na magkokonekta sa dalawang barangay sa Balut,Tondo.

Ito ang nakitang sitwasyon ni VM Chi, nang nagtungo siya sa lugar noong panahon ng kampanya kung saan tumatawid ang mga residente sa kabilang ilog ng Estero de Maypajo lalo na noong nagkaroon ng sunog sa lugar.

Ayon pa kay VM Chi, ang mga residente ay tumalon na lamang sa ilog upang takasan ang malaking sunog at lumangoy patungo sa kabilang barangay dahil ilang tao lamang ang maaring sumakay sa ginawang makeshift balsa o nagsisilbi nilang tulay na gawa sa dalawang malaking drum at hihilahin ang lubid.

Ipinangako ni VM Chi na sa kanyang pagbabalik kapag siya ay manalo sa election ay magkakaroon na ng tulay sa nasabing lugar.

Noong Hulyo 26, ang ika-44 na kaarawan ng bise alkalde, nag-organisa ang mga Kababaihan ng Maynila kung saan ang magulang na sina dating Mayor Lito Atienza at Beng Atienza na sa Balut ipagdiwang ang kanyang kaarawan.

Lingid sa kanyang kaalaman, kasabay pala ng kanyang selebrasyon ang inagurasyon din ng ipinangako niyang floating bridge o walkway sa lugar para lamang maibsan ang paghihirap ng mga residente sa pagtawid sa ilog.

Sinabi ng bise alkalde, taimtim iyang ipinagdasal na sana ay may mga mabubuting kalooban an tumulong sa kanya upang kaagad na amlagyan ng tulay ang ilog matapos matuklasan ni Manila Mayor Isko Moreno-Domagoso na said ang pondo ng Maynila.

Aniya, dininig ng Panginoon ang kanyang hiling dahil may lumapit at kusang nag-alok ng tulong sa paglalagay ng permenenteng walkway o floating bridge na kahit may dumaang barge o maghigh-tide ay maari itong ilipat o matiklop. (Gene Adsuara)