Kamara, itinangging  may papel sa smear campaign, SP Escudero sinabihang harapin ang CCTV, insertion questions

ITINANGGI ng Kamara ang pahiwatig ni Senate President Francis “Chiz” Escudero na ang Kamara ang nasa likod ng ulat na kumukuwestiyon sa alegasyon ng budget insertions na iniuugnay umano sa

Ayon kay Atty. Princess Abante, House spokesperson, dapat sagutin ng direkta ni Escudero ang mga isyung pinupukol sa kanya sa halip na sisihin ang Kamara.

“Bakit kami? Bakit kami ang may kasalanan?” pahayag ni Abante nang tanungin sa naging pahayag ni Escudero na ang demolition job laban sa kanya ay maaaring nanggaling samalaking kapulungan.

Aniya, dapat sagutin ng senate president ang kuwestiyon ukol sa umano’y P150 bilyong budget amendments, sa halip na bigyang pag-alinlangan ang Kamara.

“Ang tanong naman po ay … kay Senate President Chiz, bakit po sa amin ibinabato ang tanong? Bakit pag may mga criticism sa kanya ay tinataasan niya ng kilay ang House of Representatives. Siguro mas mainam na sagutin na lang po ‘yung tanong” dagdag ni Abante.

Nilinaw naman nito na wala siyang alam sa CCTV footage na ginagamit na reference sa public reports, na nagpapakita kay Escudero na pumasok umano ng gabi sa Batasan compound noong nakalipas na taon habang kasagsagan ng deliberasyon sa 2025 national budget.

“Sa amin po, ako personally, hindi ko alam ‘yung tungkol duon sa CCTV. I’m not part of the House at that time,” ani Abante.

Kumalat ang video sa online kaugnay sa pagbisita umano ni Escudero sa Kamara habang nagsasagawa ng pagsasapinal sa bicameral report.

Tumanggi namang magkomento si Abante sa video content ngunit kinuwestiyon naman niya ang pagsisi sa Kamara sa paglabas ng video.

“I cannot [comment] on the CCTV issue. Siguro ang tanong, bakit nga nandidito eh kung tungkol yan sa bicam,” sabi pa ni Abante,

Iginiit naman nito na hindi nakikialam si Speaker Ferdinand Martin Romualdez sa deliberasyon ng bicameral conference committee sa national budget.

“Kasi ang Speaker, hindi naman po nakialam sa bicam ng budget,” pagtatapos ni Abante. (Vina de Guzman)