Pagbuhay sa Ship Building at Ship Repair Industry sa bansa, isinulong

ISINULONG  ni 1Tahanan Partylist Rep. Nat Oducado ang pagpapalakas ng industriya ng Ship Building and Ship Repair (SBSR), Boatbuilding, at Ship Recycling sa Pilipinas na naglalayong gawing mas competitive ang maritime jobs sa bansa.

“It’s time to bring maritime jobs home for the sake of our maritime workers and our overall economy,” ani Oducado, kasabay nang paghahain ng HB 2598 o SBSR Development Bill at HB 2597 o Shipyard Fiscal Incentives Bill.

Sa pagtataya ng Organisation for Economic Co-operation and Development (OECD) at World Bank, na ang bawat direct job sa shipbuilding ay nagbibigay ng 3-5 karagdagang indirect jobs, na nangangahulugan na kapag naipatupad na ng buo ay may potensiyal na makapagbigayng 100,000 direct at indirect jobs sa buongbansa.

Magbubuo ng bagong mandato ang SBSR Development Bill para sa DTI, DOST, DOLE, at TESDA upang magbigay suporta sa naturang industriya, research and development, at labor sa SBSR industry. Magkakaroon din ng institutional support upang maitaas ang pagiging madali at mabawasan naman ang gastos sa pagnenegosyo sa Philippine SBSR industry.

“Through these Bills, we will create jobs in upskilled shipbuilding labor, support services, vocational training, supply chains, and coastal community development industries. With over 578,000 Filipino seafarers deployed worldwide, the Philippines has the potential to lead not just in seafaring, but in the maritime industry as a whole,” ani Oducado.

Samantalang aamyendahan naman ng Shipyard Industry Fiscal Incentives Bill ang fiscal policy ng bansa, magbibigay insentibo sa mga kumpanya na magi-invest sa SBSR industry, kabilang na ang exemptions mula sa Value-Added Tax (VAT) at buwis sa Imported Capital Equipment and Materials.

Maglalaan din ng tax credit sa kinakailangang kagamitan bilang kapital, at tax incentives para sa Green Projects.

Nakakuha naman ng suporta ang panukala mula sa Maritime Industry Authority (MARINA).5

(Vina de Guzman)