PNP, tiniyak na walang banta sa SONA ni PBBM’; 23-K kapulisan at personnel, ipinakalat

WALANG na-monitor na banta ang Philippine National Police (PNP) kaugnay sa ika-apat na State of the Nation Address (SONA) ni Pangulong Ferdinand “Bongbong” Marcos Jr. araw ng Lunes, ayon kay PNP chief Police General Nicolas Torre III.

Bagama’t walang banta, naka-full alert pa rin ang PNP at mahigit 23,000 personnel ang ipinakalat para tiyakin ang seguridad sa paligid ng Batasang Pambansa.

Kabilang dito ang 16,000 mula sa PNP at 6,000 mula sa iba’t ibang ahensya.

Tatlong grupo lamang ng mga raliyista ang may permit na magsagawa ng programa sa mga lugar sa St. Peter Chapel, Sandiganbayan, at White Plains sa Quezon City.

Tiniyak pa ng PNP na paiiralin nila ang maximum tolerance sa mga kilos-protesta ngayong SONA.