More than ten years ding nawala sa showbiz: BEARWIN, idinaan sa marathon ang lungkot sa pagkawala ng ama
- Published on July 10, 2025
- by @peoplesbalita
HINDI naiwasang maluha ni Bearwin Meily nang matanong kung gaano katagal siyang nagpahinga bilang komedyante sa pelikula at telebisyon.“Nag-lie low sa showbiz? 2009 kumonti na yung project ko niyan,” pag-amin niya.
“Kasi namatay yung daddy ko 2008, Emphysema, kapareho ng kay Tito Dolphy, then I started running so hanggang sa malayuan na yung tinatakbo ko.
“So pumayat na po ako it was 2009 hanggang nito na lang, nito na lang ako nakabalik ulit with NET25, with Quizon City.
“So social media na ito, Youtube na ito tsaka NET25 and then guesting-guesting na lang so I think that’s more than 10 years nung nawala ako sa industry.”
Ang pagtakbo o marathon ang binalingan niya noon upang maibsan ang lungkot sa pagkawala ng kanyang ama…
“Yeah,” bulalas niya, “tama po, tama po.
“Isa po yun, isa po yun. So it’s a choice kasi andami ko na ring kaibigan… well nakasabay ko sila tito Redford [White], nakasabay ko sila Carding [ReyCards Duet], marami!
“Nakasabay ko si Sammy Lagmay at kung sinu-sino pang mga kilalang komedyante.
“Si Jodi Sta. Maria bata pa, sa Star Cinema kami.
“So anyway those days and times na talagang iniisip ko rin na saan ako pupunta?
“E manginginom po ako, lahat po ng bisyo tinitira ko, wala akong disiplina sa katawan.
“Galing ako sa hirap. Nung nagkapera ako lahat gusto kong tirahin. So ganun ho ka-worse.
“So sabi ko, ‘Lord tulungan mo ako, kung hindi maaga akong mamamahinga!’
“Then, iyon po yun, dun po nag-start lahat yun.”
Umabot raw ng 210 pounds ang kanyang pinakamabigat na timbang; ito ang panahong pinagbidahan niya ang pelikulang Hari Ng Sablay noong 2005.
Ngayon ay malaki na ang ipinayat ni Bearwin pero ayon sa kanya, “Actually yung weight hindi siya masyado, e.
“Kasi mas marami pang mas malalaki na pumayat talaga, but I think yung continuation, yung consistency and yung testimony kung ano na talaga yung pinamumuhay mo.
“Hindi kasi papayatan lang e, ang tanong kung ano talaga yung kabuuan na nagbago sa yo.”
Si Bearwin, na pioneer ng mga thematic runs dito sa Pilipinas, ang head at race director ng “You VERSUS You Run 2025” na inorganisa ng 88 Sports PH (a division of 88 ACE Production Corp.).
Ang fun run event na ito ay gaganapin sa July 20, 2025 (Sunday), 4:00 AM sa Ayala Vermosa Sports Hub in Imus City, Cavite.
Pinangungunahan din ang “You VERSUS You” ni Michael Maranan, President and CEO of 88 Ace Production Corporation, Chairman of the Maranan Group of Companies, and founder of My Superhero Friends Foundation.
Ang proceeds ay ilalaan sa mga kabataan at sari-saring community development.
Registered at https://raceroster.com/events/2025/106645/you-versus-you.
For inquiries, please contact Mr. Bearwin Meily at +639988543432
(ROMMEL L. GONZALES)