Nai-post na ilang araw bago ang guesting ni Dingdong: Cryptic post ni MARIAN, malabong patama kay KARYLLE tulad ng pinalalabas
- Published on June 18, 2025
- by @peoplesbalita
KUNG noong bago-bago pa na naghiwalay sina Dingdong Dantes at Karylle, pwede pa yung mga galit, pambibintang ng diumano’y mga fan ni Karylle.
Understandable ‘yon.
Pero naman, sampung taon ng kasal sina Dingdong at Marian Rivera, not to mention, ilang taon din na in a relationship ang DongYan bago nagpakasal, same issue pa rin?!
Nag-guest lang si Dingdong sa ‘It’s Showtime’ at sa pagkakataong ito ay hindi na absent si Karylle. Pero ni wala halos interaction sina Dong at Karylle. Si Dong na kasama si Madam Charo Santos at nagpo-promote ng “Only We Know” na movie nila.
Nandiyan ang mga narrative na pasalamat na lang daw si Marian at si Karylle raw ay tahimik, ‘di na nagsalita nang inagaw ni Marian si Dingdong at kung ano-ano pa.
Happily and very blessed ang married ng DongYan at si Marian, nasa phase yata siya ng buhay niya ngayon na she’s even more prayerful. Kung alam niyo lang.
Nakakatawa rin yung cryptic post daw ni Marian ay patama nito kay Karylle. Eh, paano mangyayari ‘yon gayong ilang araw na ito nai-post ni Marian bago nag-guest si Dingdong.
Gusto naming isipin na hindi talaga mga legit fans ni Karylle ang mga maingay sa socmed, instead, mga trolls lang. Kasi kung legit fans ito ni K, aba, pwede niyang sabihan lalo na at ang tagal na rin niyang kasal sa asawang si Yael Yuzon, pero ‘di ba nakakabastos na ex pa rin niya ang tila bukod-tanging pinag-uusapan about her?
‘Wag naman, ‘di ba?”
Sa isang banda, mapapanood si Marian bilang isang hurado naman ngayon kunsaan, maituturing na forte niya, ang pagsasayaw sa ‘Stars on the Floor’ ng GMA-7.
***
NILINAW ni Andrea Torres na wala raw katotohanan na siya ay nagpahinga, nag-lielow muna at talagang personal choice niya na huwag munang tumanggap ng trabaho.
Ang huli rin kasi na ginawa niya ay ang “Love Before Sunrise” pa. Sabi namin kay Andrea na kahit kami, gano’n ang naging impression.
“Wit! Hinde! Gusto nating mag-work!,” natatawang sagot niya talaga.
“Waiting lang talaga sa tamang project. At saka kahit naman wala pang series, nakakapag-guest tayo. May short guesting din ako sa Sang’gre at mga regional shows.”
Ibang Andrea na naman ang ipapakita niya sa “Akusada” kunsaan, siya ang akusada.
Isa nga ito sa naging top choice agad among the new three GMA Afternoon Prime. Kabilang na ang “My Father’s Wife” at ang “Cruz vs. Cruz.
Sa June 30 na magsisimula ang “Cruz vs. Cruz” habang sa Lunes, June 23 naman na ang “My Father’s Wife.”
(ROSE GARCIA)