BAGONG MGA IMMIGRATION OFFICER, HANAP NG AHENSIYA 

NAGHAHANAP ang Bureau of Immigration (BI) ng 25 na mga bagong Immigration Officer na idi-deploy sa mga international airports.

Ang mga mapipili ay idi-deploy sa Ninoy Aquino International Airport (NAIA) at Mactan-Cebu International Airport (MCIA).

“This recruitment supports the President’s call to professionalize and strengthen our border control efforts,” ayon kay BI Commissioner Joel Anthony Viado.

“We are opening our doors to qualified Filipinos who want to serve the country and help ensure that our ports of entry are secure, efficient, and welcoming,” dagdag pa nito.

 Sinabi ni Viado na ang nasabing inisyatibo ay kasunod ng pagdagdag ng international travel, na nangangailangan ng mga sinanay na personnel upang matiyak ang episyenteng pagpoproseso ng mga pasahero.

Hinikayat nito ang mga aplikante na sumama sa pagdadagdag ng nga propesyunal sa ahensiya kung saan ang ahensiya ay nagpapatuloy sa kanilang modernize operations.

“We need committed men and women who are ready to serve with integrity and competence,” ayon kay Viado . “Be part of the future of the BI, as we move towards the Bagong Immigration vision in line with the President’s Bagong Pilipinas,” dagdag pa nito.

Ang pahayag ay kasunod ng pagtatapos ng 29 na mga mga bagong Immigration personnel nitong June 2 pagkatapo ng kanilang pagtatapos ng kanilang pagsasanay sa immigration law, border enforcement, at ethical public service.

Ang mga aplikante ay maaaring magsumit online sa pamagitan ng BI official careers portal sa careers.immigration.gov.ph. (Gene Adsuara)