UNLEASH PAWSCARS SHORT FILM FESTIVAL INILUNSAD

ANG Unleash Pawscars Short Film Festival ay opisyal na inilunsad noong Mayo 27, kasama ang mga media, filmmakers, pet lovers, at mga kampeon ng animal-human bond. Ang natatanging pagdiriwang na ito ay nag-aanyaya sa mga storyteller na magpakita ng mga maiikling pelikula sa ilalim ng temang “Unleash the Love,” na tumutuon sa totoong buhay na magic na dinadala ng mga hayop sa ating buhay.

Tungkol man ito sa isang tapat na aso, isang clingy na pusa, o isang pato na tumulong sa iyong gumaling. Gusto ni Pawscars ang iyong kuwento.

Sa isang media launch, ipinakilala ng festival ang all-star jury lineup nito: kinikilalang indie director na si Arvin Belarmino, socially conscious filmmaker na si Joseph Abello, at industry veteran Joey Reyes, na nagsisilbi rin bilang Head of Jury.

Pinakamahusay na buod ito ng Direktor ng Festival na si Mark Sakay: “Ang Pawscars ay higit pa sa isang kumpetisyon sa pelikula. Ito ay isang pagdiriwang ng walang pasubaling pagmamahal at kagalakan na idinudulot ng mga alagang hayop sa ating buhay, mga kuwentong karapat-dapat makita at marinig ng lahat.”

Sabi ni direk Joey, “Hindi lang ito tungkol sa paggawa ng pelikula. Ito ay tungkol sa koneksyon na ang mga alagang hayop lamang ang maaaring mag-spark.

Dagdag ni Direk Arvin “Hindi pa ako nakapag-direk ng hayop dati, kaya na-curious ako at nasasabik akong makakita ng mga bagong kuwento na nagpapakita kung bakit mahal na mahal namin ang aming mga alagang hayop”.

At ipinunto ni Direk Joseph, “Minsan, ‘yong bond with animals lang ang nagbibigay sa atin ng peace of mind. That’s why stories like these matter.”

Bukas ang festival sa lahat ng Filipino nationals sa buong mundo, anuman ang background ng paggawa ng pelikula. Walang malaking budget na crew ang kailangan puso lang, katapatan, at camera. Ang mga entry ay maaaring nasa anumang genre at dapat na 20 minuto o mas maikli (kabilang ang mga kredito), na may mga subtitle sa Ingles kung nasa ibang wika.

Para sa iba pang detalye maaari ninyong bisitahin ang https://unleash.ph.

Ang deadline ng pagsusumite ay sa Agosto 31, 2025 at ang mga finalist ay iaanunsyo sa Setyembre 15. Dapat ay available rin ang mga finalist para sa Pawscars Night sa Disyembre 14, na ipalalabas at ipagdiriwang ang mga piling pelikula. Ang magwawagi ng engrandeng premyo ay mag-uuwi ng ₱150,000. (Mary Rose Antazo)