May mga nagugulat matapos na manalo… Gov. VILMA, parang may nagbago lalo kanyang pinost sa IG story
- Published on May 16, 2025
- by @peoplesbalita
HALOS lahat, iisa ang comment, ang ganda at iba na ang glow ni Ashtine Olviga.Si Ashtine lang naman ang biglang sikat ngayon dahil sa pinagbibidahang VIVA One series na “Mutya ng Section E.”
Nang ipakilala sina Ashtine, kasama ang mga ka-loveteams niya na sina Andres Muhlach at Rabin Angeles, halos wala pa siyang following o talagang hindi pa siya nagmamarka. Pero ngayon, 2 million na ang Instagram followers niya.
Brand ambassador na rin si Ashtine ng Ash perfume kunsaan, inilunsad siya sa VIVA Cafe.
Bukod sa mga ito, maipapalabas na rin sa TV5 ang Mutya ng Section E simula ngayong May 19. Another blessing para kay Ashtine dahil mas maraming makakapanood na nasa free TV na sila.
At nagsimula na rin silang mag-taping for another season of their successful VIVA One series.
Ang maganda, sa kabila ng lahat ng ito, sinisigurado raw niyang walang nagbabago sa ugali niya. In fact, basta mas mapapadali raw ang biyahe niya, nagco-commute pa rin siya via MRT at motor.
Si Ashtine ang sinasabing ginu-groom ng VIVA bilang next Nadine Lustre at masaya si Ashtine na aminadong fan ni Nadine.
***
MAY mga nagugulat bakit after na manalo bilang Governor ng Batangas City parang may nagbago raw kay Vilma Santos o Ate Vi.
Marami ang nagulat kahit na may ibinigay siyang dahilan kung bakit hindi siya um-attend ng proclamation rally. Eh, bilang isang kandidato na nanalo, isa na yata ito sa pinakamasayang moment.
Iniisip tuloy na ang dahilan, baka raw hindi matanggap ang pagkatalo ni Luis Manzano, kahit na nanalo ito at ang anak na si Ryan Christian Recto.
Then, naging kapansin-pansin ang ipinost naman niya sa kanyang Instagram story na tila sinasalungat nito na si Bam Aquino ang author ng Tertiary Free education. Sa post niya, diumano’y ang asawang si Ralph Recto raw.
Hindi na makikita ang post na ito. May nag-call ng attention ni Luis. Ayon dito, baka raw admin ang nag-post, huh.
(ROSE GARCIA)