‘No down-payment at zero interest’ na electric jeepney para sa mga Pinoy Driver alok ni Manong Chavit

SINISIMULAN na ang paggawa ng electric jeepney sa planta nito sa Lima, Malvar Batangas na  proyekto ni dating Ilocos Sur Gov. Luis Chavit Singson para sa mga Pinoy Driver.

Ang naturang jeepney ay pasok sa standard ng pamahalaan sa ilalim ng PUV Modernization Program.

Ayon kay Singson, ginaya ang proto type jeep sa lumang pampasaherong jeep sa Pilipinas kung kayat ang nakagawian pa rin ang magiging disenyo.

Ang kagandahan pa nito, walang ibibigay na down-payment at zero interest upang matulungan ang mga tsuper at operators.

Nakikipag-ugnayan na ngayon si Singson sa mga transport group tulad ng Liga ng Transportasyon at Operators sa Pilipinas o LTOPF, ALTODAP, PASANG Masda at iba pa.

Nais ni Manong na maging financially accessible sa mga jeepney operator ang Public Utility Vehicle Modernization Program (PUVMP) ng pamahalaan.

Ang mga Pilipinong drayber at komyuter, magtitiis hangga’t kaya para sa kanilang pamilya at pangarap. Ngunit hindi ito dapat mangahulugan na isasantabi na din muna ang pagtugon sa mahirap na biyahe ng ating mga kababayan araw-araw.

Ang inisyatiba ni Senatorial Candidate Chavit Singson: maglunsad ng mga modernong e-jeepney– isang makabuluhang hakbang tungo sa mas komportable at makabagong sistema ng transportasyon sa Pilipinas.

Layon ni Manong Chavit na palitan ang mga lumang jeep nang makabago, world-class, at gawang Pinoy na e-jeepney–mas maluwag, may air-conditioning, at dinisenyo upang magbigay ng presko at komportableng biyahe para sa mga komyuter, lalo na para sa mga masisikip at mahahabang ruta.

Hindi tatakbo sa krudo ang mga e-jeep, kaya mas malaki ang iuuwing kita ng mga drayber sa kanilang pamilya. Bukod sa ginhawang dala nito sa bulsa ng mga drayber, magiging eco-friendly na din ang hari ng kalsada. Walang usok, walang ingay. Sa pamamagitan ng proyektong ito, magiging bahagi ng solusyon sa problema sa polusyon ang bawat komyuter at tsuper sa bawat byahe. Malinis na hangin at tahimik na lansangan para sa lahat.

Ang pagpapatupad ng mga makabagong solusyon sa mga hinaing sa transportasyon tulad ng e-jeepney ni Chavit ay hindi dapat maging pabigat sa mga unang maaapektuhan nito–ang mga e-jeep na nagkakahalaga ng P1.2 milyon, maaaring makuha nang walang downpayment, walang collateral, at walang karagdagan interes–talagang abot-kaya.

Para kay Singson, ang e-jeepney initiative ay hindi lamang isang proyekto kundi isang tunay na solusyon sa matagal nang problema sa pampublikong transportasyon ng bansa.

Minsan nang kusang-loob na naglabas ng milyones si Singson kahit alam niyang ikalulugi niya at ang nais niya ngayon ay matulungan naman ang mga Pilipino na marating ang kanilang mga patutunguhan nang komportable, ligtas, at may dignidad–sa araw-araw na biyahe man o sa buhay.