Solo parents, libre sa MRT-3 at LRT-2 sa Abril 26

MAY libreng sakay ang pamunuan ng Metro Rail Transit Line 3 (MRT-3) at Light Rail Transit Line 2 (LRT-2) sa mga solo parents sa bansa Sabado, Abril 26. Ito’y bilang pakikiisa ng mga naturang rail lines sa pagdiriwang ng National Solo Parents Week at bunsod na rin ng kahilingan ng Department of Social Welfare and Development (DSWD). Maaaring ma-avail ng mga solo parents ang free ride mula alas-7 hanggang 9 ng umaga at mula alas-5 hanggang 7 ng gabi. Kinakailangan lamang iprisinta ang solo parent ID sa mga istasyon para makasakay ng libre. Magkakaroon din ng one-stop shop caravan para sa registration at renewal ng solo parent cards.