3 MALAKING ORGANISASYON, SUMUPORTA SA ISKO-ATIENZA TANDEM

TATLONG malalaking organisasyon sa Maynila ang nagsanib puwersa upang suportahan ang  kandidatura nina dating Mayor Francisco “Isko Moreno” Domagoso, ka-tandem na si Chie Atienza, at buong talaan ng“Yorme’s Choice” sa nalalapit na midterm elections.

Kabilang sa mga organisasyon ay ang  Kababaihan ng Maynila, Kabalikat ng Bayan sa Kaunlaran (KABAKA), at Kaagapay ng Manileño na  dinaluhan ng libo-libong mga taga-suporta sa  Ninoy Aquino Stadium.

Kumpiyansa ang dating alkalde na ang suporta ng tatong malalaking organisasyon sa kanilang buong tiket ay malaking tulong upang matiyak ang panalo sa nalalapit na halalan.

“Taos-puso ang aking paniwala, nagawa niyo na dati. Kaya niyong gawin muli,”  ayon sa  dating alkalde.

Nangako naman ang ka-tandem ni Domagoso na si Chie Atienza, anak ni dating Manila Mayor Lito Atienza na na ibubuhos niya ang tulong at suporta sa liderato ni Domagoso upang maging isang mabisang bise-alkalde.

Sinabi naman ni dating 5th District Rep. Amado Bagatsing na siyang founder ng KABAKA na kaisa siya sa hangarin ni Domagoso na ibalik ang disiplina, kalinisan, at kaayusan sa Maynila. (Gene Adsuara)